New

Bandes

Una abadía de Dominican Don’t Play encapuchaos y armaos de machetes cuerren detrás de varios Trinitarios. Ye lo de siempre. La vida nun cambió gran cosa de cuando yéramos guajes. Nun ye que lo eche de menos, pero entiendo esi sentimientu de pertenencia a dalgo. Un...

Agora mesmo

Agora mesmo Dacuando veo muertos -como-y diz Haley Joel Osment, nel papel de Cole Sear, a Malcom Crowe, qu’interpreta Bruce Willis, na película “El sexto sentido” del realizador indiu M. Night Shylmalan-, y esta mañana de fin de branu vien de pasame una vuelta más de...

Covid

Covid Alcordéme estos díes de descansu d’una hestoria del llexislador Zaleuco de Locris que nel sieglu VII enantes de Cristu pasó por ser ún de los xueces más honestos del so tiempu. Y ello fue qu’a un fíu d’él acusánralu d’un delitu de desórdenes públicos por ebriedá...

Dereches

Dereches Vengo d’una llingua que conserva los nomes de los trabayos vinculaos a la tierra y de la propia tierra, que conserva les maneres afayaíces de falar cola xente de casa y los amigos y de falar d’amor de la manera más guapa y de dirixise a dios o a la virxen de...

Brinde

Brinde Siempre torno a Walt Whitman como’l que torna a casa, como’l cristianu que siempre alcuentra dalgo eterno nel evanxeliu según san Xuan o l’hindú siguidor del vedanta advaita que lo afaya nes declaraciones del pensador Sankara, o meyor, como’l que llevanta una...

Un palaciu

Un palaciu Por ser educáu pa príncipe, yo tamién tuve l’aquel –el privilexu- d’estudiar nun palaciu barrocu que fuera enantes castiellu medieval, cola más grande parte de les aules en torno a un patiu de galería corrida que descansaba sobre doce columnes toscanes y...

Ismael Mª. Glez. Arias

Discos

Ismael Mª González Arias

Los Pingüinos Asesinos / Malu

Añu: 2008
CD de Los Pingüinos Asesinos pa Producciones Formiga
Xeneru: Rock

Primera grabación d’esti grupu de rock, surdíos de la escuela de música de Campomanes, baxo la dirección musical del so profesor, Alejandro Lafuente, Lafu. Con lletres propies y músiques que recuerden los soníos más primarios del rock and roll, esta banda amuesa como se puen facer bien les coses ensin necesidá de grandes medios, pero con bien d’imaxinación. “Dicen que somos servidores del mal / porque nos gusta el heavy metal. / Les vieyes santígüense si nos oyen tocar / los nenos pequenos pónense a berrar. / Somos malos, somos sangrinos / somos los Pingüinos Asesinos”.

Ismael Mª González Arias

Xaime Arias Trío / Ya collacios: Mieres direutu

Añu: 2007
CD del Xaime Arias Trío pa Producciones Formiga
Xeneru: Jazz

Grabación en directu del Xaime Arias Trío, el 21 de xineru de 2007 na sala d’actos del Conservatoriu de Música de Mieres. El grupu ta integráu por Óscar Santos, al baxu, Jorge Cambareli, a la percusión, y Xaime Arias, al piano. Amás contóse cola presencia na grabación d’Eladio Díaz Arango, al saxofón, Alfonso Vega, al clarinete, y Marco Martínez, a la guitarra. Tolos temes grabaos nel CD son de Xaime Arias, incluyéndose una versión del tema tradicional “¿Ónde vas de madrugada?”.

Ismael Mª González Arias

Anabel Santiago / Desnuda

Añu: 2007
CD d’Anabel Santiago, pa Galileo M.C.
Xeneru: Canción asturiana moderna

Nel momentu de la so edición fue’l Cd más vendíu na FNAC d’Asturies a lo llargo de tres selmanes, dalgo qu’enxamás ocurriera con un discu d’una cantadora de tonada. Cantares como “El galán d’esta villa”, “Ai d’esos güeyos”, “A perdete d’amor ente otros brazos”, “La cai El Viciu” y “Amores que pasen” son orixinales del autor. Demientres otres como “Col garrotín”, “De los Picos d’Europa” y “Marcho pa Cuba” provienen de temes tradicionales. “Poema inacabáu” fízose sobre un poema de Xuan Bello. “Folsom Prison Blues” ye la traducción del conocíu tema de Johny Cash.

Ismael Mª González Arias

Ayeranes y Tonaes de la Cuenca del Caudal

Añu: 2006
CD de José Nespral, Pepe l’Ayerán, pa Producciones Formiga
Xeneru: Tonada tradicional asturiana

Edición restrinxida a quinientos exemplares que s’agotaron a lo llargo de los dos primeros meses, por más que nun fuera distribuyíu más que na cuenca del Caudal. Tratábase de recuperar principalmente’l xéneru de l’ayerana, con cantares tan impresionantes como “Corpus en Nembra”, “Al sombrao”, “Pendu l’argueyu”, “Que vas cantando”, “La cara blanca”, “Del Gumial”, “Ñeve en Valverde”, “Blanca o morena” o “Pola y El Pino”. El cantador, Pepe l’Ayerám, ye non profesional y cantó 51 cantares en tres sesiones de les que s’escoyeron los 22 temes que componen el CD.

Ismael Mª González Arias

Amor, amante

Añu: 2006
CD de Lafu y Rebeca Velasco, pa Producciones Ámbitu
Xeneru: Música sele asturiana

Una serie de cantares asturianos tradicionales contemplaos dende la perspectiva de la música sele (aquella que va dendende’l chill-out hasta el bossa), de manera que puedan llegar a sentise n’ambientes ayenos al mundu del folk o de la música de raigañu. Delles de les versiones de Lafu, colavoz de Rebeca Velasco al frente, son impagables.

Ismael Mª González Arias

Anabel Santiago canta a Diamantina Rodríguez

Añu: 2005
CD de Anabel Santiago, pa Males Pulgues Records y Galileo M.C.
(2ª edición en 2006).
Xeneru: Tonada tradicional asturiana con arreglos modernos

Dende’l mesmu momentu de la so edición esti CD acabó convirtiéndose nuna referencia obligada de la tonada tradicional. Tolos temes pertenecen al repertoriu de Diamantina Rodríguez y la propia Diamanina asistió a delles de les xornaes de grabación. El so comentariu al respectu pagaba l’apuesta: “¡Qué pena que yo nun tuviera toos estos medios cuando fui moza!”. La voz más grande de la tonada asturiana daba asina’l so parabién a los nuevos derroteros que tomada la tonada asturiana de la mano de la voz más identificativa de la canción asturiana moderna: Anabel Santiago.

Ismael Mª González Arias

¡Ea, ea, ea! Añaes tradicionales asturianes

Añu: 2005
CD de Rebeca Velasco y Juanjo Abad, pal Institutu Asturianu de la Muyer
(2ª edición en 2005 y 3ª edición en 2006).
Xeneru: Añaes tradicionales asturianes

Una importante amuesa d’añaes asturianes reinterpretaes en versiones modernesd col únicu propósitu de servir pal fin pal que fueron concebíes nel so momentu: pa dormir a lo sneños. Les voces afalagadores de Rebeca Velasco y Juanjo Abad convirtieron aína a esta grabación, edición tres d’edición, en una referencia obligada de la música asturiana de vanguardia.

Ismael Mª González Arias

Torner

Añu: 2005
CD de Ástura, Anabel Santiago y Alberto Varillas, pa Producciones Ambitu
Xeneru: Música folk asturiana

Con motivu del cincuentenariu de la muerte d’Eduardo Martínez Torner, el más importante recopilador del folclor musical asturianu, preparóse un espectáculu musical a partir de cuatro suites con cantares tradicionales del so Cancioneru. Tou un éxitu que lleól al espectáculu polos escenarios de más d’una trentena de ciudaes, villes y pueblos asturianos y que se vio culminao cola edición d’esti CD nel que s’amosaba l’espectáculu al completu.

Ismael Mª González Arias

Con voz de muyer

Añu: 2004
CD de Varios Autores, pal Institutu Asturianu de la Muyer
Xeneru: Música tradicional asturiana

La tradición musical asturiana cuerre mui apegada a la voz femenina, por eso que nesta amuesa de cantares asturianos fueron les voces de diferentes muyeres les qu’acabaron dando coherencia al conxuntu. Voces como les d’Anabel Santiago, Marisa Valle, Liliana Castañón, Rosario González y Diamantina Rodríguez, interpretando tou tipu de xéneros: añaes, cantares de boda, bailles chanos, hestories, xirandiyes, asturianaes, soberanes, jotes, tonaes mineres y mariñanes.

Ismael Mª González Arias

De L.laciana vengo

Añu: 2004
CD de Rosario González, pa Producciones Ámbitu
Xeneru: Tonada tradicional asturiana

Una de les voces femenines más importantes del momentu, con un hestorial impresionante de premios nos principales concursos de tonada, fizo un repasu xeneral a los diferentes xéneros dela tonada asturiana nesti CD, nel que s’alcuentren versiones magnífiques d’asturianaes como “Al pasar por el puertu” (acompañada al piano por Xaime Arias).

Ismael Mª González Arias

Los mineros canten a la mina

Añu: 2004
CD de Varios Autores, pa Producciones Ámbitu
Xeneru: Tonada tradicional asturiana

Tercer CD de la serie dedicada al folclormusical de la mina, nesti casu interpretáu polos sospropios protagonistes: mineros n’activu, prexubilaos o xubilaos. Una amuesa que fala de la vitalidá del xéneru.

Ismael Mª González Arias

Xente mozo

Añu: 2004
CD del Coru Xente Mozo d’Asturies, pa Producciones Ámbitu
Xeneru: Coro tradicional infantil

Los cantares de neños interpretaos por neños a lamanera na que los neños lo suelen facer cuando intervienen nos sos xuegos, corros o bailles. Dirixíos por Rebeca Velasco, convierten el CD nel recopilatoriu más importante de la canción infantil asturiana, apostando pol interés que tien esti tipu de folclormusical pales xeneraciones más moces.

Ismael Mª González Arias

Nel café de la esquina

Añu: 2004
CD de Liliana Castañón Quartetu, pa Producciones Ámbitu
Xeneru: Canción asturiana moderna

Una voz tradicional de tonada qu’arriesga a dexase acompañar en cantares tradicionales y en nuevos temes por un grupu importante de músicos, principalmente vinculaos al ámbitu del jazz. Contó con temes del autor, como “El café de la esquina”, al delláu d’otros basaos en músiques y ritmos tradicionales, como “De los Picos d’Europa”, “P’ande va la mio morena” y “Vaqueires d’amor” (con lletra de Nené Losada).

Ismael Mª González Arias

Cantares de mina

Añu: 2003
CD de Varios Autores, pa Producciones Ámbitu
Xeneru: Tonada tradicional asturiana

Segunda entrega de la serie de cantares dedicaos al folclormusical de la minería, nesta ocasión cola collaboración d’Ángeles González, Sergio Agüeros, Bibiana Sánchez, Fernando Valle, Marisa Valle, Gustavo Álvarez y Francisco Barrientos. Arriendes de los músicos Xaime Arias, al piano, y Óscar Fernández, a la gaita.

Ismael Mª González Arias

Dir ya tornar

Añu: 2003
CD de Lafu y Sturm, pa Producciones Ámbitu
Xeneru: Guitarra

Música asturiana y música reinterpretada por músicos asturianos, nuna vuelta de tuerca a lo que ye la tradición y lo que son les composiciones propies de dos escelentes guitarristes.

Ismael Mª González Arias

La tonada de la mina

Añu: 2002
CD de Varios Autores, pa Producciones Ámbitu
Xeneru: Tonada tradicional asturiana

El folclor musical de la mina, ún de los más importantes en cuanto al volumen de lletres relacionaes con esta actividá, na voz de dellos de los intérpretes mozosmás interesantes del panorama asturianu: Anabel Santiago, Óscar Fernández, Liliana Castañón, Urbano Prieto, Rosario González y Alberto Varillas. El gran éxitu del CD fizo posible que se continuara’l trabayu colaedición d’un segundu y un tercer volumen de cantares relacionaos cola mina.

En busca de Xovellanos

“El mundu siguía cambiando n’alredor a la velocidá de les fases de la lluna. Nada diba ser igual al norte del Sáhara depués de Napoleón. Nada nel sur del Sáhara depués d’Usuman dan Fodio. Ellos fueran homes que ñacieran pa marcar el ríu de la hestoria. A la xente como nosotros nun nos tocaba más que sentanos nuna oriella d’esi ríu a ver les agües pasar y, dacuando, mercadores como yéramos, garrar una chalana y cruzar a la otra oriella”

Trabe / Uviéu 2006