New

Agora mesmo

Agora mesmo Dacuando veo muertos -como-y diz Haley Joel Osment, nel papel de Cole Sear, a Malcom Crowe, qu’interpreta Bruce Willis, na película “El sexto sentido” del realizador indiu M. Night Shylmalan-, y esta mañana de fin de branu vien de pasame una vuelta más de...

Covid

Covid Alcordéme estos díes de descansu d’una hestoria del llexislador Zaleuco de Locris que nel sieglu VII enantes de Cristu pasó por ser ún de los xueces más honestos del so tiempu. Y ello fue qu’a un fíu d’él acusánralu d’un delitu de desórdenes públicos por ebriedá...

Dereches

Dereches Vengo d’una llingua que conserva los nomes de los trabayos vinculaos a la tierra y de la propia tierra, que conserva les maneres afayaíces de falar cola xente de casa y los amigos y de falar d’amor de la manera más guapa y de dirixise a dios o a la virxen de...

Brinde

Brinde Siempre torno a Walt Whitman como’l que torna a casa, como’l cristianu que siempre alcuentra dalgo eterno nel evanxeliu según san Xuan o l’hindú siguidor del vedanta advaita que lo afaya nes declaraciones del pensador Sankara, o meyor, como’l que llevanta una...

Un palaciu

Un palaciu Por ser educáu pa príncipe, yo tamién tuve l’aquel –el privilexu- d’estudiar nun palaciu barrocu que fuera enantes castiellu medieval, cola más grande parte de les aules en torno a un patiu de galería corrida que descansaba sobre doce columnes toscanes y...

L’amor

L'amor Yo vengo d’una hestoria d’amor que siempre cuento y de la que tengo escrito en bien de momentos y en bien de llugares y que refier a mios padres de los qu’aprendí qu’amar nun ye nada xenético sinon dalgo que s’aprende y de lo que sigo aprendiendo. L’amor que...

Uviéu, 1958

Ismael Mª. Glez. Arias

Escritor y productor musical

Diplomáu en Xestión d’Empreses Culturales pol ESADE de Barcelona, Posgraduáu en Xestión Cultural y Territoriu pol IUDE y la Univerdidá d’Uviéu y Máster en Comunicación Multimedia pol IEDE de Madrid, ye director de la Casa de Cultura “Teodoro Cuesta” de Mieres y director del programa de televisión “Cantadera” na RTPA, y entamador del programa de televisión “De Romandela”, tamién en RTPA. Ye secretariu d’organización de l’ASC Progreso Gitano.

Fue director de los programas de televisión “Sones”, y director y presentador del programa de radio “Música Músiques”, en RTPA, y director y presentador de los programas “La lámpara” y “Perfiles”, en CM-TV.

Ismael Mª González Arias

Premiu de Novela “Xosefa Xovellanos” del Principáu d’Asturies por “El cuartu negociu” (1992) y “En busca de Xovellanos” (2005); Premiu d’Ensayu “Fuertes Acevedo” con “L’Asturianada” (1998) –xunto al so hermanu Xaime Arias-; Premiu de Periodismu “Enriqueta García Rubín” pol artículu “La tonada como música culta asturiana” (2004) nel diariu La Nueva España; Premiu “María Josefa Canellada” de Novela Xuenil por “Les puertes del paraísu” (2009); Premiu de la Crítica d’Asturies (2009), poles columnas periodístiques; y Premiu al Meyor Cantar n’Asturianu (2012), pol tema “Si nun conoces Val.louta”, del grupu Asturiana Mining Company nel CD “Sones por Berto Velasco”. 

Ye columnista selmanal nel diariu “El Comercio” (crítica musical del suplementu Culturas) y nel diariu La Nueva España (“Panza arriba”). Fue columnista selmanal del diariu La Nueva España (“Folganza”), el diariu El Comercio (“Opinión”) y el selmanariu Les Noticies (“La voz de la tierra”), así como autor para La Voz de Asturias de la Historia de la Música Asturiana (2007) en fascículos, y del coleccionable “100 años de música asturiana grabada”, pa La Nueva España (2009). 

Amás de les citaes, tien publicaes les siguiente noveles: “Faciendo tiempo n’Ítaca” (2015), “Les puertes del paraísu” (2010), “Mediaos del 69” (2007), “El tiempu de Manolo” (2005) y “La boda del añu” (2002 y 2014, 2ª edición)). Asina como los siguientes llibros: “Cronoloxía de la música asturiana” (2004), “L’Asturies Cismontana” (2003), “Cantares de Llanes” (2003), “Les Cuarenta Principales (Cancioneru de Mieres)” (2000 y 2001, 2ª ed), “Diccionariu de la llingua (y otros órganos sexuales)” (2001), “Píde-y cuentes a Quirós” (2000), “L’Asturianada” (1998), “Programación comunicativa sobre un textu clásicu” (1990) y “Fálame, fála-y” (1988).

Semeyes de descarga pa los medios

Ismael Mª González Arias

1992 Mieres / Descargar
Ernesto Ruiz Leivar

Ismael Mª González Arias

2003 Avilés / Descargar
Saúl Fernández

Ismael Mª González Arias

2004 Mieres / Descargar
Abel Arias

Ismael Mª González Arias

2005 Tánxer / Descargar
Abel Arias

Ismael Mª González Arias

2006 Turón / Descargar
Daniel Mordzinski

Ismael Mª González Arias

2007 Mieres / Descargar
José Ramón Silveira

En busca de Xovellanos

“El mundu siguía cambiando n’alredor a la velocidá de les fases de la lluna. Nada diba ser igual al norte del Sáhara depués de Napoleón. Nada nel sur del Sáhara depués d’Usuman dan Fodio. Ellos fueran homes que ñacieran pa marcar el ríu de la hestoria. A la xente como nosotros nun nos tocaba más que sentanos nuna oriella d’esi ríu a ver les agües pasar y, dacuando, mercadores como yéramos, garrar una chalana y cruzar a la otra oriella”

Trabe / Uviéu 2006